Ny ankizy tany San Donato (sy Video)
Araka ny efa nanaovana antso teto moa dia misy ilay fialantsasatra ho an’ny ankizy malagasy karakarain’ny Fikambanana “Tetezana onlus”, miaraka amin’ny “Regione Lazio” nanomboka tamin’ny 1 aogositra ka hifarana amin’ny 15 aogositra eny San Donato di Val Cimino (Frosinone) ka misy 10 mianadahy ireo nandray anjara izay iadidian’i Andry Rakotomavo.
Manomboka izao koa izany dia misy Maki (Lemur catta) ao amin'ny Bioparco Villa Borghese Roma. Araka ny vaovao voaray dia misy Maki 8 izay nampidirina ao amin'io zoo eto Roma io. Tsy nivantana avy any Madagasikara anefa izy ireo fa avy atsy amin'ny zoo iray atsy Repolika Chèque. Efa nisy lemuriens roa hafa karazana ao aminny Bioparc koa ho folo izany no isan'izy ireo amin'izao fotoana izao. 