Indro ampitaina amintsika ny fanasana ho anareo any Milano sy ny manodidina ny amin'ny fankalazana ny faha-63 taona nahazoana ny Fahaleovantena, izay hatao ny 24 jona 2023 manomboka amin'ny 7 ora sy sasany hariva (ore 19.30) ka hatramin'ny 2 ora maraina (ore 2.00) ao amin'ny viale delle Industrie 17 - Settala (MI).
Manjombona vao miandoha taona indray ny lanitrantsika eto Roma fa namoy an'i neny Juliette, renin'i Lova sy Andry, isika omaly talata 25 janoary tolakandro.
Dia mba ampitampitampitao ho an'ny besinimaro azafady.
Manentana antsika Malagasy aty Italia ny masoivohon'i Madagasikara eto Roma mba handraisantsika anjara feno amin'ilay Fihaonamben'ny Malagasy aty am-pielezana, andiany faharoa, izay hatao amin'ny volana aogositra 2020 ao Antananarivo.
Ampitao ny hafatra ho an'izay tsy mahita ity.
Amin'ny fo feno alahelo no ampandrenesana antsika fa lasa namonjy iny habakabaka iny omaly alahady 29 desambra 2019 ny namantsika Amédé RAKOTOARISON.
Feno 15 taona tamin'ny volana mey ny nanosorona ho mpisoron'ny Avo an'i mompera Alain Velomaroson ka ny alahady 16 jiona teo, tao amin'ny Ankohonana Victoire Rasoamanarivo eto Roma, no nisafidianany hankalazana izany niaraka tamin'ireo namana sy tapaka sy ireo relijiozy rahalahiny sy anabaviny ao amin'ny Tompo.
Ny sabotsy 29 jiona 2019 manomboka amin'ny 5 ora hariva no hanasana antsika rehetra amin'ny fankalazana ny fetim-pirenena ao amin'ny foiben'ny masoivoho, via Riccardo Zandonai 84, Roma.
Hanamarihana ny fahafolo taona nijoroan'ny Fikambanana "Malagasy Miray" sy ny faha-59 taona nahazoan'i Madagasikara ny fahaleovantena no hanatontosana ny "Giornata del Madagascar" fanao isan-taona any Torino ka hanasana antsika rehetra ny sabotsy 29 jiona 2019.
Tonga ity ilay andro lehibe izay nandrasantsika dia ny fankalazana ny fetim-pirenentsika malagasy izay ho atao ao amin'ny Via delle Industrie, 17 - Settala (MI).
Ho atolotray tsy ho ela ny fandaharampotoanan`io andro io.
Aza misalasala ary ianareo satria misy fetrany ny tapakila ary mifarana amin'ny 15 jiona ny famandrihan-toerana.
Tongava maro fa miandry anareo izahay.
Gianni & Lala.
Ho antsika tapaka sy namana rehetra,
Hafaliana ho anay Malagasy atý amin'ny faritra avaratr'i Italie no manasa antsika rehetra hiaraka hankalazana aminay ny faha-59 taona ny
nahazoantsika ny fahaleovantena.
Tongava maro, miandry anareo izahay.
Soeur Françoise.
Manasa antsika indray mba handray anjara amin'ny "Maratona di Roma 5km" amin'ny alahady 7 aprily 2019.
Afaka mihazakazaka na koa mitsangatsangana. Ny adidy sy fanatahanjantena ho vita, ny fahafinaretana ho azo
Ny vola azo amin'ny vidin'ny tapakila dia alefa manontolo any Madagasikara hatrany.
Mankasitraka sahady.
Fanazavana fanampiny sy fisoratana anarana dia any amin'i Andry Rakotomavo :
- mailaka : andry@tetezanaonlus.org
- finday : +39 3471432921
Hanomboka amin'ny 26 febroary ka hatramin'ny 3 martsa 2019 dia hisy varotra-fampirantiana saripika, sangan'asan'i Patrizia Schifano eto Roma ka hanasana antsika rehetra hitsidika izany.
Vita soa tamin'ny alahady 10 febroary teo ny fety fifampiarahabana amin'izao taona vaovao 2019 izao ka indro ampitaina amintsika eto ny fisaorana avy amin'Andriamatoa Mpiandraiki-draharaha sy ny Mpiara-miasa rehetra eto amin'ny Masoivoho, ho an'ny malagasy mpiray Tanindrazana, na ny teto Roma sy ny manodidina na ianareo avy any amin'ny faritany nahafoy fotoana sy harena tonga nanome voninahitra izany fanasana izany.
Ity izany ny hafatra nampitain'i Sr Françoise, isan'ny manentana ny Malagasy any amin'ny faritr'i Reggio-Emilia any. Ka dia manantena fa ho maro ianareo no hifanotrona amin'io asabotsy 26 janoary io.
Noho izao fahatongavan'ny Taona vaovao 2019 izao, hono tompoko, dia indro ny Fiarahabana sy Firariantsoa ho an'ny Malagasy rehetra monina eto Italia.
