Vaovao

Ho antsika eto Roma sy ny manodidina, 

hisy fialamboly hanasana antsika ity amin'ny alatsinain'ny Paka 2014 ity.

Izany dia hatao eny amin'ny pizzeria Re Grano eny Vitinia, via Lago Santo, 23.

Amin'ny 9 ora sy sasany maraina no hifamotoanana eny. Samia mivatsy sakafo sy tsakitsaky isankarazany, zavapisotro, hatramin'ny sakafo hariva mihitsy aza satria ny masoandro maty no hampalahelo eny. Afaka mitondra hena manta koa izay terem-panahy satria afaka manao barbecue.

Amin'ny Finoana ny Fitsanganana amin'ny maty no hampandrenesana antsika fa nody any amin'ny Ray ny alatsinainy 3 febroary 2014 ny mpanompony

Charles RAJAOBELINA

Hoy :

- ny vadiny : Jeanne Rajaobelina

- ny zanany : Luciano Rajaobelina mivady sy ny zanany, Alessandro Torzoni mivady sy ny zanany. Toky Rajaobelina mivady sy ny zanany.

ary ny fianakaviana manontolo.

Ny fiondrehana amin'ny vatany mangatsiaka dia ao amin'ny Cappelle della Croce Bianca ao Arezzo.

Amin'ny alahady 12 janoary 2014 no atao ny fifampiarahaban'ny Malagasy rehetra eto Roma nahatratra ny taona ka eny amin'ny fiangonana Santa Maria Ausiliatrice no anaovana izany. (Piazza Santa Maria Ausiliatrice 54 - via Tuscolana). Hanomboka amin'ny 11 ora sy sasany ny fotoam-pivavahana iraisam-pinoana.

Ny Malagasy monina eto Roma sy ny manodidina na anaty fikambanana na tsia dia hiaraka hilanonana ao amin'ny ambassade malagasy hitsena ny taona vaovao. Tsy misy mikarakara manokana fa samy efa nandray sy mandray izay vitany sy izay tandrify azy. Ao ny manomana ny mozika, ao ny hanentana, ao ny nanomana sy nanadio ny trano, ny rehetra kosa dia samy hitondra ny sakafo sy tsakitsaky ary zava-pisotro sahaza azy izay hifampizarana.

Ny fikambanan'ny vondron'ny vehivavy ao amin'ny "Communauté Protestante Francophone" eto Roma dia manasa antsika rehetra hanatrika ny bazary izay hataony ny 1 desambra 2013 ho avy izao manomboka amin'ny 1 ora tolakandro ao amin'ny fiangonana Via Firenze 38 Roma.

Ny fikambanan'ny vondron'ny vehivavy ao amin'ny "Communauté Protestante Francophone" eto Roma dia manasa antsika rehetra hanatrika ny bazary izay hataony ny 1 desambra 2013 ho avy izao manomboka amin'ny 1 ora tolakandro ao amin'ny fiangonana Via Firenze 38 Roma.

Araka ny vaovao nampitaina dia ny 7 jolay 2013 izao no hatao eny amin’ny Fikambanana trinitera (Curia Generalizia), eny via Massimi 114/C ny famaranana ny taom-pikatrohana 2012/2013 ho an'ny Ankohonana Katolika Victoire Rasoamanarivo eto Roma.

Toa izao ny fandaminana amin'izany:

Ny Associazione Tetezana Onlus dia faly manasa antsika Malagasy rehetra eto Italia amin'ny "Roa andro natokana ho an'i Madagasikara" izay karakarainy miaraka amin'ny Museo Civico di Zoologia (Roma) sy ny Museo Regionale di Scienze Naturali (Torino) nampitondraina ny lohahevitra hoe "Ny olombelona sy ny zavaboarin'i Madagasikara" ny 21 sy 22 jiona ho avy izao.

Ny toerana dia ao amin'ny 

Museo Civico di Zoologia
Via Ulisse Aldrovandi, 18
Roma 

Misaotra anareo tapaka sy namana havana mahatratra sy mahavonjy e!Niaraka nanafana sy nitotorebika tamin ny fety teo Eny tsy hadino koa ireo olona tsy no tonga noho nyadidy amandraikitra maro samy hafa e mirarisoa sy fahombiazana hoanareo koa izahay .Mirarisoa sy fahombiazana ho antsika  rehetra rehetra tsy ankanavaka izahay e hitahy antsika tsirairay anie ny TOMPO ao ambony