Vaovao

Jereo ato ny amin'ny teny frantsay raha toa ka ilainao : "Linea Amica Immigrazione"

Indro atolotra antsika eto ny fanasana sy ny fanazavana rehetra momba ny "Giornata del Madagascar", andiany fahaefatra, izay hatao any Trento amin'ity indray mitoraka ity, ao amin'ny Museo delle Scienze "Muse",  corso del Lavoro e della Scienza 3, TN.

VAOVAO FARANY : hahemotra ny sabotsy 5 jolay ity fankalazana ny fetim-pirenena ity. Ampitampitao ny hafatra. Misaotra indrindra (nampitaina anio 16 jiona 2014)

*************************

Ny fikambanana TE.FY dia faly manasa anareo tapaka sy namana hiara-mikorana amin'ny alahady 15 jiona 2014 amin'ny 1 ora ao Lepanto, via Pompeo Magno 25.

Misy sakafo sy zava-pisotro isan-karazany amin'izany (sakafo nahandro malagasy)

Fandraisana anjara 10 euro.

Mirary ny fahatongavanareo maro, ny adidy ho vita ny fahafinaretana ho azo.

Basile: 3667086100

Fidel: 333410625

Ao anatin'ny fiaraha-miasa amin'ny Tetezana Madà, ny fikambanana Seniores ITALIA (Partner per lo Sviluppo Onlus) dia mikarakara fety fiaraha-mientana hanampiana ara-bola ny tetikasa "Ny bokiko no tokiko, arovako fa lovako".

Io tetikasa io dia mikasika indrindra ilay tranomboky mandehandeha (Bibliotèque mobile), isay mitondra boky mifindrafindra toerana mba hahafahan'ny ankizy eny amin'ny faritra mahantra mahazo ny anjarany amin'ny famakiana boky. 

Ny fotoana dia ny asabotsy 7 jiona amin'ny 4 ora tolakandro

Hatao etsy amin'ny Piazza di San Giovani in Laterano amin'ny alahady 18 mey ho avy izao indray izany ny andiany faha-23 amin'ny Festa dei Popoli. 

Efa an-taona maromaro no nandraisan'i Madagasikara anjara tamin'izy ity, ary mbola tsy diso anjara ihany isika amin'ity indray mitoraka ity ka manasa antsika rehetra hifamotoana eny toy ny mahazatra manomboka amin'ny lamesa amin'ny 12 ora antoandro ao amin'ny bazilikan'i San Giovanni ka ny anjara litorjiantsika malagasy amin'ity taona ity dia ny ranombavaky ny mpino amin'ny tenintsika.

Ny Fikambanana ara-kolotsaina "Mondo Gondwana" ao Brescia, izay ahitana solontenan'i Madagasikara, dia manasa ny rehetra, indrindra isika any amin'ny tapany avaratr'i Italie amin'ny andro iray atokan'izy ireo hanandratana ny kolotsaina sy taozavatr'ireo firenena mitambatra ao amin'ny Fikambanana dia i Mexique, Madagascar, Bangladesh ary Bielorussie.

Izany dia hatao ny sabotsy 10 mey ho avy izao manomboka amin'ny 10 ora maraina ka hatramin'ny 7 ora hariva ao amin'ny Centro Sociale, ao Toscolano Maderno (BS).

Mifampilazà ary tongava maro

Ampitampitao ho an'ny rehetra fa ny sabotsy 24 mey 2014, hanomboka amin'ny 9 ora alina dia hisy korana sy fampisehoana hahitana an'i WAWA izay  karakarain'ny Fikambanana "Gasy Tsy Manavaka"  ao via Sesia 10, Rozzano (Milano).

Ny Antoko Mpihira Victoire Rasoamanarivo Roma

Ho fanohanana ny Ankohonana Katolika Victoire Rasoamanarivo eto Roma
dia manasa anao hanatrika ny

Am-pifaliana no hanasan'ny Fikambanana Fraternità Malgascia antsika hiara-hikorana eny amin'ny Selva Nera/Casalotti, via Gabriele degli Esposti 93, amin'ny alatsinain'ny Paka, araka ity fanasana eto ity.

Mifampilazà dia tongava maro.