Vaovao

Manolotra fisaorana feno anareo rehetra tsy ankanavaka tonga nanome
voninahitra an'i Madagasikara teny amin'ny kianjan'i San Giovanni omaly
alahady 19 mey nandritra ny Festa dei Popoli 2013.

Fampatsiahivana ho an'izay tsy mbola naheno fa hisy ny fitsangatsanganana iarahan'ny Malagasy rehetra amin'ny alatsinain'ny Paka (1er avril) ho avy izao.

Ny toerana dia eny Montecassino, Parrocchia S. Pietro Apostolo, via Gaetano di Biasino 226. Jereo eto: http://goo.gl/maps/HwUBR 

Ny momba ny fiara hitatitra izay andoavana 15 euro dia efa nifarana ela ny fisoratana anarana kanefa afaka manandrana miantso an'i Rado na Carole ihany sao dia mbola misy toerana 

Tao amin'ny Fiangonana Protestanta tao amin'ny lalana IV Novembra no nankalazana ny fahatsiarovana ny olomangam-pirenena tamin'ity taona ity teto Roma. Natomboka tamin'ny fotoam-pivavahana tamin'ny 2 ora tolakandro izany. Mompera Pierre-Emile no nitarika ny fotoana ary M. Dany kosa no nizara ny tenin'Andriamanitra. Ny fanentanana hisian'ny fifankatiavana eo anivon'ny samy Malagasy sy ny fifanohanana am-bavaka ho an'izany, tsy ny aty ampitan-dranomasina ihany fa ny any an-toerana indrindra indrindra, no votoatin-kevitra nentiny tamin'izany.

Manasa antsika hanatrika ny fanokafana amin'ny fomba ofisialy ny fampirantiana mitondra ny lohahevitra "Lo spettacolo della Natura" ao amin'ny Museo Regionale di Scienze Naturali, via Giolitti 36, ao Torino ny zoma 8 martsa amin'ny 5 ora sy sasany hariva.

Marihina fa misy Sampana manokana momba an'i Madagasikara amin'io fampirantiana maharitra io, izay nokajian'i Franco Andreone manokana.

Mifampilazà.